مقارنة متعب بأي مهاجم في الجيل الحالي اشبه بمقارنة الذهب والنحاس " فليسَ كلُ ما يَلْمَعُ ذَهَبً "
بدء انه يحط رجله مع المنتخبات كان منتخب الناشئين وبدري بدري صنف نفسه هداف للمنتخب
منتخب الناشئين كبر وبقى منتخب شباب . راح منتخب الشباب يلعب بطولة امم افريقيا في بوركينا فاسو سنة 2003 . اهدافه كسبت المنتخب البطولة .. هاتريك في المغرب وثنائية في نهائي صعب وExtra time قدام كوت ديفوار تقريباً كانوا سبب رئيسي ان مصر في النهاية تكون على منصة التتويج
" قالوا في لعيب كويس بس ماحدش لسه قال نجم "
منتخب الشباب عنده تحدي تاني .. كاس العالم للشباب في الامارات .. ايه بصمته هو؟ المدير الفني - الرمز الزملكاوي حسن شحاتة - كان "مسميه الفنان " وكان مسمي زمايله المهاجمين عمرو ذكي ورضا متولي العضلات .. الفنان ولأنه فنان احرز هدف في انجلترا كان حديث العالم كله .. بل ان الفيفا اختارته كأفضل هدف في تاريخ بطولات العالم للشباب
"ولسه ماحدش قال عليه نجم "
منتخب الشباب كبر ومديره الفني منصبه كبر فبقوا المنتخب الاول . الفنان مختفاش زي ما اغلب هدافين المراحل دي بيختفوا مع الوقت .لكنه اصبح واحد من افضل 10 هدافين للمنتخب عبر تاريخه برصيد 28 هدف . اهداف ملعوبة و اهداف حاسمة
لكن قبل المنتخب الاول كان مانويل جوزيه في عز مابيشتري اعتل اللعيبة قال هو ده المهاجم بتاعي .. وكعادة متعب ..ماكينة اهداف ملعوبة و سنة والتانية بقى اصغر أو تاني اصغر هداف في تاريخ الدوري
في كاس العالم للاندية سجل واثبت حضوره
في القمة ؟ هو واحد من هدافينها برصيد 10 اهداف تقدر تقول انه حافر صورته ع شباك الزمالك وعارفاه كويس
لكن هي ايه صفات اللعيب الكبير ؟ هتقول اهداف حاسمة في توقيت صعب تعكس شخصية لاعب كبير ؟ هقولك ده شهرته(+90 ) واحد من اكتر اللعيبة في تاريخ الكورة- ان لم يكن اكثرهم- اللي قدر يسجل اهداف في الوقت القاتل ..الشخصية
اهدافه بتعبر عنه وعن القابه. افتكر هدف الزمالك في دوري ابطال افريقيا 2005 لما لف بمدحت عبد الهادي 360 درجة وقطم له وسطه رغم انه كان عنده وقتها مشكلة كبيرة ومش بيتدرب
ولا افتكر هدف أول قمة لما رقص عبدالمنصف ومن زاوية ميتة رماهاله في البعيدة ووقف يتفرج
ولا افتكر هدف الاتحاد الليبي لما استلم بشماله ولف دايرة كاملة و وحطها بيمينه والجون كان هاين عليه يصقفله
ولا هدف الجزائر والبلد كلها واقفة على ضوافرها وهو في الثانية بعد الاخيرة مركز مايقعش في التسلل وبياخد خطوة وبيمرجح دماغه عشان الكورة تاخد قوة ودقة وكان على وشك يكون اهم اهداف مصر في تاريخها
ولا افتكر هدف نهائي الكونفدرالية اللي جاب البطولة من دولاب سيوي سبورت ووداها الاهلي
ولا افتكر هدفه في انيمبا لما هو وتريكة فقط ب double pass ضربوا خط دفاعهم وكسبنا انيمبا في نيجيريا بعد ماكان محقق رقم قياسي بعدم الخسارة على ارضه
لعيب بيسجل من نص فرصة ..بيجيد اللعب تحت اقصى أقصى الضغوط .. اهدافه جميلة وملعوبة .. ماينفعش معاه تبص للساعة وتقول الماتش بيخلص عشان هيلسعك
الله يمسيك بالخير يا متعب الناس من بعدك بقت تنبهر بأي جثة بتجيب اجوان !! ده شوية ياعمدة وهيطلعوا بيهم السما أوهما طلعوا فعلاً !
معايير النجم واللعيب الكبير اتغيرت ! لأ دي اتغيرت كتير.. عنصر الاستمرارية راح في داهية .. مبقتش عارف هما الزياطين ولا احنا اللي مابيعجبناش العجب ؟!!
لكن الاكيد ان مقارنة متعب بأي مهاجم في الجيل الحالي اشبه بمقارنة الذهب والنحاس
" فليسَ كلُ ما يَلْمَعُ ذَهَبً "
منتخب الناشئين كبر وبقى منتخب شباب . راح منتخب الشباب يلعب بطولة امم افريقيا في بوركينا فاسو سنة 2003 . اهدافه كسبت المنتخب البطولة .. هاتريك في المغرب وثنائية في نهائي صعب وExtra time قدام كوت ديفوار تقريباً كانوا سبب رئيسي ان مصر في النهاية تكون على منصة التتويج
" قالوا في لعيب كويس بس ماحدش لسه قال نجم "
منتخب الشباب عنده تحدي تاني .. كاس العالم للشباب في الامارات .. ايه بصمته هو؟ المدير الفني - الرمز الزملكاوي حسن شحاتة - كان "مسميه الفنان " وكان مسمي زمايله المهاجمين عمرو ذكي ورضا متولي العضلات .. الفنان ولأنه فنان احرز هدف في انجلترا كان حديث العالم كله .. بل ان الفيفا اختارته كأفضل هدف في تاريخ بطولات العالم للشباب
| مقارنة متعب بأي مهاجم في الجيل الحالي اشبه بمقارنة الذهب والنحاس " فليسَ كلُ ما يَلْمَعُ ذَهَبً " |
"ولسه ماحدش قال عليه نجم "
منتخب الشباب كبر ومديره الفني منصبه كبر فبقوا المنتخب الاول . الفنان مختفاش زي ما اغلب هدافين المراحل دي بيختفوا مع الوقت .لكنه اصبح واحد من افضل 10 هدافين للمنتخب عبر تاريخه برصيد 28 هدف . اهداف ملعوبة و اهداف حاسمة
لكن قبل المنتخب الاول كان مانويل جوزيه في عز مابيشتري اعتل اللعيبة قال هو ده المهاجم بتاعي .. وكعادة متعب ..ماكينة اهداف ملعوبة و سنة والتانية بقى اصغر أو تاني اصغر هداف في تاريخ الدوري
في كاس العالم للاندية سجل واثبت حضوره
في القمة ؟ هو واحد من هدافينها برصيد 10 اهداف تقدر تقول انه حافر صورته ع شباك الزمالك وعارفاه كويس
لكن هي ايه صفات اللعيب الكبير ؟ هتقول اهداف حاسمة في توقيت صعب تعكس شخصية لاعب كبير ؟ هقولك ده شهرته(+90 ) واحد من اكتر اللعيبة في تاريخ الكورة- ان لم يكن اكثرهم- اللي قدر يسجل اهداف في الوقت القاتل ..الشخصية
اهدافه بتعبر عنه وعن القابه. افتكر هدف الزمالك في دوري ابطال افريقيا 2005 لما لف بمدحت عبد الهادي 360 درجة وقطم له وسطه رغم انه كان عنده وقتها مشكلة كبيرة ومش بيتدرب
ولا افتكر هدف أول قمة لما رقص عبدالمنصف ومن زاوية ميتة رماهاله في البعيدة ووقف يتفرج
ولا افتكر هدف الاتحاد الليبي لما استلم بشماله ولف دايرة كاملة و وحطها بيمينه والجون كان هاين عليه يصقفله
ولا هدف الجزائر والبلد كلها واقفة على ضوافرها وهو في الثانية بعد الاخيرة مركز مايقعش في التسلل وبياخد خطوة وبيمرجح دماغه عشان الكورة تاخد قوة ودقة وكان على وشك يكون اهم اهداف مصر في تاريخها
ولا افتكر هدف نهائي الكونفدرالية اللي جاب البطولة من دولاب سيوي سبورت ووداها الاهلي
ولا افتكر هدفه في انيمبا لما هو وتريكة فقط ب double pass ضربوا خط دفاعهم وكسبنا انيمبا في نيجيريا بعد ماكان محقق رقم قياسي بعدم الخسارة على ارضه
لعيب بيسجل من نص فرصة ..بيجيد اللعب تحت اقصى أقصى الضغوط .. اهدافه جميلة وملعوبة .. ماينفعش معاه تبص للساعة وتقول الماتش بيخلص عشان هيلسعك
الله يمسيك بالخير يا متعب الناس من بعدك بقت تنبهر بأي جثة بتجيب اجوان !! ده شوية ياعمدة وهيطلعوا بيهم السما أوهما طلعوا فعلاً !
معايير النجم واللعيب الكبير اتغيرت ! لأ دي اتغيرت كتير.. عنصر الاستمرارية راح في داهية .. مبقتش عارف هما الزياطين ولا احنا اللي مابيعجبناش العجب ؟!!
لكن الاكيد ان مقارنة متعب بأي مهاجم في الجيل الحالي اشبه بمقارنة الذهب والنحاس
" فليسَ كلُ ما يَلْمَعُ ذَهَبً "
ليست هناك تعليقات
أكتب رأيك في التعليقات وتعالى نتناقش بإستفاضة